Mahisagar news: મહીસાગર જિલ્લાના પત્રકારો માટે લુણાવાડામાં આરોગ્ય ચકાસણી કાર્યક્રમ
મહીસાગર જિલ્લાના લુણાવાડા ખાતે મીડિયા કર્મીઓ માટે હેલ્થ સ્ક્રીનિંગનો કાર્યક્રમ યોજાયો.
મહીસાગર જિલ્લાના લુણાવાડા ખાતે મીડિયા કર્મચારીઓ માટે ફિટ ઇન્ડિયા અંતર્ગત હેલ્થ સ્ક્રીનિંગ કાર્યક્રમ યોજાયો, જેમાં પત્રકાર મિત્રોનું આરોગ્ય ચેકઅપ કરાયું.
લુણાવાડાના સાઈ કોમ્પલેક્ષમાં આ હેલ્થ ચેકઅપનો કાર્યક્રમ યોજાયો હતો, જેનો ઉદ્દેશ્ય પત્રકારોના આરોગ્ય પ્રત્યે જાગૃતિ વધારવાનો અને ફિટનેસ તરફ તેમને પ્રોત્સાહિત કરવાનો છે.
ફિટ ઇન્ડિયા મૂવમેન્ટના ભાગરૂપે અને પત્રકારોના આરોગ્ય પ્રત્યે જાગૃતિ લાવવા માટે મહીસાગર જિલ્લાના લુણાવાડા શહેરમાં પત્રકાર મિત્રો માટે વિશેષ હેલ્થ સ્ક્રીનિંગ કાર્યક્રમનું આયોજન કરાયું હતું.
આ કાર્યક્રમનું આયોજન સાઈ કોમ્પલેક્ષમાં કરવામાં આવ્યું, જ્યાં પત્રકારોને વ્યાવસાયિક તાણ અને આરોગ્યના પડકારોને પહોંચી વળવા જરૂરી માર્ગદર્શન અને ચેકઅપ સુવિધા આપવામાં આવી.
આ કાર્યક્રમ દરમિયાન પત્રકારોનો બ્લડ પ્રેશર, બ્લડ શુગર, બીએમઆઇ, અને અન્ય આરોગ્ય સંબંધિત ચેકઅપ કરવામાં આવ્યા. આ ચેકઅપ સાથે જ તંદુરસ્ત જીવનશૈલી જાળવી રાખવા માટેની જરૂરી સલાહ અને માર્ગદર્શન પણ આપવામાં આવ્યું. ફિટ ઇન્ડિયા, ફિટ મીડિયા જેવા આ કાર્યક્રમો માધ્યમ કર્મચારીઓને શારીરિક અને માનસિક રીતે ફિટ રહેવા પ્રોત્સાહિત કરી રહ્યા છે.
#GujaratInformation
