આછવણી (બંધાડ ફળિયા) પ્રાથમિક શાળામાં ધોરણ ૮ ના વિદ્યાર્થીઓનો લાગણીસભર વિદાય સમારોહ યોજાયો
ખેરગામ તાલુકાની આછવણી સ્થિત બંધાડ ફળિયા પ્રાથમિક શાળામાં તા. 30 માર્ચ 2026ના રોજ ધોરણ ૮ ના વિદ્યાર્થીઓ માટે લાગણીસભર અને યાદગાર વિદાય સમારોહ યોજાયો હતો. આ પ્રસંગે વિદ્યાર્થીઓએ પ્રાથમિક શાળાના આંગણે વિતાવેલા ૮ વર્ષના મીઠા સંસ્મરણોને તાજા કર્યા હતા અને માધ્યમિક શિક્ષણના નવા પ્રવાસ માટે ઉત્સાહ વ્યક્ત કર્યો હતો.
કાર્યક્રમની શરૂઆત સરસ્વતી વંદના અને દીપ પ્રગટાવાથી કરવામાં આવી હતી. આચાર્યશ્રી સંજયભાઈ આહીરે વિદ્યાર્થીઓ અને વાલીઓનું સ્વાગત કરતાં શાળાજીવનના મહત્વ પર પ્રેરણાદાયક માર્ગદર્શન આપ્યું હતું.
ધોરણ ૮ ના વિદ્યાર્થીઓએ પોતાના અનુભવો અને યાદોને વહેંચતાં કાર્યક્રમને ભાવુક બનાવી દીધો હતો. શિક્ષકમંડળે વિદ્યાર્થીઓને આત્મવિશ્વાસ, નિષ્ઠા અને સારા નાગરિક બનવા માટે પ્રેરણા આપી હતી.
શાળાની તરફથી વિદ્યાર્થીઓને સ્મૃતિચિહ્ન રૂપે બોલપેન પેકેટ આપવામાં આવ્યા હતા. કાર્યક્રમના અંતે તમામ વિદ્યાર્થીઓને મીઠાઈ સાથે ભોજન પીરસવામાં આવ્યું હતું.
આ પ્રસંગે વિદ્યાર્થીઓ, શિક્ષકો અને વાલીઓ વચ્ચે ભાવુક ક્ષણો સર્જાઈ હતી, છતાં વિદ્યાર્થીઓના ઉજ્જવળ ભવિષ્ય માટે શુભેચ્છાઓ સાથે કાર્યક્રમ આનંદમય વાતાવરણમાં પૂર્ણ થયો હતો.
#Farewell2026 #Std8Farewell #SchoolFarewell #Khergam #PrimarySchool #StudentLife #EducationMatters #GujaratSchools #VillageEducation #SchoolEvent #FarewellMoments #StudentsJourney
Farewell Function, Std 8 Farewell, Primary School Event, Khergam News, Gujarat Education, School Ceremony, Student Life, Village School, Education News, School Farewell 2026
