ખેરગામની શામળા ફળિયા પ્રાથમિક શાળામાં પતંગોત્સવની આનંદમય ઉજવણી
ખેરગામની શામળા ફળિયા પ્રાથમિક શાળામાં મકરસંક્રાંતિના અવસરે પતંગોત્સવની આનંદમય ઉજવણી કરવામાં આવી. સૂર્યનારાયણ ભગવાનના મકર રાશિ પ્રવેશના આગલા દિવસે યોજાયેલા આ ઉત્સવમાં વિદ્યાર્થીઓએ ઉત્સાહપૂર્વક ભાગ લીધો. શાળાના આંગણાં તથા મેદાનમાં બાળકો પતંગ ચગાવતા “કાયપો કાયપો”, “ખેંચ ખેંચ”, “લપેટ લપેટ”ની બૂમો અને ચીચીયારીઓથી સમગ્ર શાળાનું વાતાવરણ ઉત્સાહભર્યું બની ગયું.
આ અવસરે શાળાના પરિવાર દ્વારા તમામ બાળકોને તલના લાડુ તથા ચીકી ખવડાવી મોં મીઠું કરાવવામાં આવ્યું. શાળાની શિક્ષિકા શ્રીમતી વૈશાલીબેન તરફથી તલના લાડુ શાળા પરીવારને ખવડાવવામાં આવ્યા હતાં. જે બાળકોની હાજરીમાં શાળામાં જ બનાવવામાં આવ્યા, જેમાં બહેનો અને દીકરીઓએ સહયોગ આપ્યો. સમગ્ર કાર્યક્રમ દરમિયાન શાળામાં કુંટુંબભાવનાનો સુમેળભર્યો માહોલ જોવા મળ્યો.
બાળકોએ ખૂબ જ આનંદ અને ઉત્સાહ સાથે પતંગ ઉડાડવામાં ભાગ લઈ પતંગોત્સવને યાદગાર બનાવ્યો.
